ಸಕಾರಣ! ಸೂರಿ: ಲೋ ಗಾಂಪಾ, ನಿನ್ನೆ ರಾತ್ರಿ ನಿಮ್ಮನೇಲಿ ಅಷ್ಟು ಗಲಾಟೆ ಯಾಕೋ? ಏನ್ಮಾಡ್ಡೆ? ಗಾಂಪ: ಅಯ್ಯೋ ಏನೇಳೋದು ಸೂರಿ, ನಮ್ಮಪ್ಪಾ ಅಮ್ಮಂದೇ ಸಮಸ್ಯೆ ಕಣೋ ಸೂರಿ: ಯಾಕೆ, ಏನಾಯ್ತು? ಗಾಂಪ: ಮೊನ್ನೆ ಸಂಘದವರು ಆದರ್ಶ ದಂಪತಿಗಳು ಬಿರುದು ಕೊಟ್ಟು ಸನ್ಮಾನಿಸಿರೋದೇ ಪ್ರಮಾದ ಆಗಿದೆ ಕಣೋ. ಸೂರಿ: ನಿಮ್ಮಪ್ಪಾ ಅಮ್ಮನ್ನ ಸನ್ಮಾನಿಸಿರೋದು ಹೆಮ್ಮೆ, ಸಂತಸ ಪಡೋ ವಿಷಯ ಅಲ್ವೇನೋ. ಅದರಲ್ಲಿ ಏನ್ ಸಮಸ್ಯೆ? ಗಾಂಪ: ಖುಷಿ ಪಡೋ ಬದ್ಲು ತಲೆ ಚಚ್ಕೊಳ್ಳೋ ಹಾಗಾಗಿದೆ. ಅವರನ್ನು ಯಾಕಾದ್ರೂ ಸನ್ಮಾನಿಸಿದ್ರೋ ಬಹುಮಾನ ದೊರೆತದ್ದೇ ನನ್ನಿಂದ ಅಂತ ಅಪ್ಪ, ನನ್ನಿಂದಲೇ ಅಂತ ಅಮ್ಮ! ಅರಚಾಟಕ್ಕೆ ನನಗೋ ನಿದ್ದೇನೇ ಇಲ್ಲ ಕಣೋ! *** ಗಾಜಿನ ಲೋಟ ಸೂರಿ ಮತ್ತು ಶ್ರೀಮತಿ ನಡುವೆ ದೊಡ್ಡ ಜಗಳ ನಡೆದು, ಸೂರಿ ಮನೆ ಬಿಟ್ಟು ಹೋದ. ಶ್ರೀಮತಿ ಕರೆ ಮಾಡಿ ಮನೆಗೆ ಬರುವುದಕ್ಕೆ ಬೇಡಿಕೊಂಡಳು. ಸೂರಿ: ನಿನ್ನ ಪಕ್ಕದಲ್ಲೇನಿದೆ? ಶ್ರೀಮತಿ: ಗಾಜಿನ ಲೋಟ, ಸೂರಿ: ಅದನ್ನು ಜೋರಾಗಿ ಎತ್ತಿ ಹಾಕಿದರೆ ಏನಾಗುತ್ತದೆ? ಶ್ರೀಮತಿ: ಒಡೆದು ಹೋಗುತ್ತದೆ. ಸೂರಿ: ಒಡೆದು ಗಾಜಿನ ಲೋಟದ ಚೂರುಗಳನ್ನು ಸೇರಿಸಿ ಮತ್ತೆ ಮೊದಲಿನಂತೆ ಮಾಡಲು ಆಗುತ್ತಾ? ಇಲ್ಲ ತಾನೇ ಹಾಗೆಯೇ ನನ್ನ ಮನಸ್ಸು ಒಡೆದು ಹೋಗಿದೆ. ಮತ್ತೆ ಸೇರಿಸೋಕೆ ಆಗಲ್ಲ, ಅಂದರೆ ವಾಪಸ್ ಮನೆಗೆ ಬರಕ್ಕಾಗಲ್ಲ. ಸೂರಿ: ಸರಿ ಬಿಡಿ, ಹೊಸ ಲೋಟ ತರ್ತೀನಿ. *** ಹಣ ಕೊಡ್ತಾರೆ ! ಶ್ರೀಮತಿ ತರಕಾರಿ ಹೆಚ್ಚುತ್ತಾ ಕುಳಿತಿದ್ದಳು. ಪಕ್ಕದಲ್ಲಿದ್ದ ಸೂರಿ, ಟೀವಿಯಲ್ಲಿ ರೊಮ್ಯಾನ್ಸ್ ಸಾಂಗ್ ನೋಡಿ ಖುಷಿ ಪಡುತ್ತಿದ್ದ. ಶ್ರೀಮತಿ: ಟಿ ವಿಯಲ್ಲಿ ಹೀರೋ, ಹೀರೋಯಿನ್ ರೊಮ್ಯಾನ್ಸ್ ಸಾಂಗ್ ನೋಡಿ ಖುಷಿ ಪಡುವ ಬದಲು ನನ್ನ ಜೊತೆಯೂ ರೊಮ್ಯಾನ್ಸ್ ಸಾಂಗ್ ಹಾಡಬಹುದಪ್ಪ. ಸೂರಿ: ರೊಮ್ಯಾನ್ಸ್ ಸಾಂಗ್ ಮಾಡುವುದಕ್ಕೆ ಅವರಿಗೆ ದುಡ್ಡು ಕೊಡುತ್ತಾರೆ. ನೀನೇನಾದ್ರೂ ಕೊಡ್ತಿಯೇನು? *** ಅಪಾಯ ಶ್ರೀಮತಿ: ರೀ, ಕಟ್ಟಿ ಕೊಂಡ ಹೆಂಡತಿ ಹಾಗೂ ಹೆಲ್ಮೆಟ್ ಎರಡು ಒಂದೇ ನೋಡಿ. ಸೂರಿ: ಅದೆಂಗೆ ಹೇಳುತ್ತೀಯಾ? ಶ್ರೀಮತಿ: ಎರಡನ್ನೂ ತಲೆ ಮೇಲೆ ಇಟ್ಟುಕೊಳ್ಳದಿದ್ದರೆ ನಿಮ್ಮ ಜೀವಕ್ಕೇ ಅಪಾಯ! *** ಮಂಗ ಸಿಗುತ್ತೆ ! ಶ್ರೀಮತಿ: ಅಲ್ಲಾರಿ, ಗಂಡಸರು ಬೇಗ ಸತ್ರೆ ಸ್ವರ್ಗದಲ್ಲಿ ಅಪ್ಸರೆಯರು ಸಿಗ್ತಾರಂತೆ, ಹೌದಾ” ಸೂರಿ: ಹೌದು ಕಣೇ.. ಶ್ರೀಮತಿ: ಮತ್ತೆ, ಹೆಂಡತಿ ಬೇಗ ಸತ್ರೆ? ಸೂರಿ: ಮಂಗ ಸಿಗುತ್ತೆ. ಶ್ರೀಮತಿ: ಇದೇನು ಅನ್ಯಾಯ? ನಿಮಗೆ ಮಾತ್ರ ಇಲ್ಲೂ ಅಪ್ಸರೆ, ಅಲ್ಲೂ ಅಪ್ಸರೆ, ನಮಗೆ ಇಲ್ಲೂ ಮಂಗ, ಅಲ್ಲೂ ಮಂಗನಾ? *** (ಸಂಗ್ರಹ)