ಅವಲಕ್ಕಿಯನ್ನು ಹದವರಿತು ಹುರಿದುಕೊಂಡು ಪುಡಿ ಮಾಡಿಟ್ಟುಕೊಳ್ಳಬೇಕು, ದಪ್ಪ ತಳದ ಬಾಂಡ್ಲಿಗೆ ಬೆಲ್ಲ, ಒಣಕೊಬ್ಬರಿ ತುರಿ, ಏಲಕ್ಕಿ ಪುಡಿ, ತುಪ್ಪ ಹಾಕಿ ಒಟ್ಟಾಗಿ ಕೂಡಿಸಿಕೊಳ್ಳಿ ಆನಂತರ ಒಂದು ಬಾಯಿ ಅಗಲವಿರುವ ಉದ್ದಲೋಟ ತೆಗೆದುಕೊಂಡು ಒಳಭಾಗಕ್ಕೆ ಚೆನ್ನಾಗಿ ತುಪ್ಪ ಸವ ಲೋಟದ ಮಧ್ಯೆ ೧-೨ ಗೋಡಂಬಿ ಇಡಿ. ಲೋಟದ ¾ ಭಾಗ ಮಿಶ್ರಣವನ್ನು ತುಂಬಬೇಕು. ಈ ಲೋಟದ ಒಳಗೆ ಹೋಗಬಹುದಾದ ಇನ್ನೊಂದು ಲೋಟಕ್ಕೆ ತುಪ್ಪ ಸವರಿ ದೊಡ್ಡ ಲೋಟವನ್ನು ಮಗುಚಿ ಹಾಕಿ ತಟ್ಟಿ, ನಿಧಾನವಾಗಿ ಮೇಲಿನ ಲೋಟ ತೆಗೆದರೆ ಗೋಪುರ ಆಕಾರದಲ್ಲಿ ಈ ಸಿಹಿ ತಿಂಡಿ ನೋಡಲು ಸುಂದರವಷ್ಟೇ ಅಲ್ಲ ತಿನ್ನಲು ರುಚಿಕರ! -ಎಸ್. ರೋಹಿಣಿ ಶರ್ಮ, ಸಾಗರ